සුවිශේෂී සටහන්

 න.දී.වික්‍රමසිංහ (ප්‍රේමසිරි වික්‍රමසිංගේ දෙවන පුතා)

බස් පෙරලූ ආර්.ආර්. සමරකෝන් අංකල් සහ අපේ පියා.

ආර්.ආර්. සමරකෝන් අංකල් අපේ තාත්තා සමඟ ටවුන්හෝල් අසල යුනියන් පෙදෙසේ පිහිටා තිබූ සමූපකාර තොඟ වෙලඳ සංස්ථා(ස.තො.ස.) මූලස්ථානයේ මාණ්ඩලක අංශයේ භාෂා පරිවර්තකයින් ලෙස සේවය කළෝය. පරිවර්තකයින් සිටියේ මේ දෙදෙනා පමණක් වන අතර, මාණ්ඩලික රැස්වීම්වල වාර්තා ඇතුළු බොහෝ කාරණා සිංහලෙන් ඉංග්‍රිසියට ද, ඉංග්‍රිසියෙන් සිංහලට ද ලේඛණ පරිවර්ථනයේ යෙදුණි. 1950 වසරේ දී බණ්ඩාරනායක මහතා විසින් සතොස ඇති කළේ මහජන සේවය පිණිස සමූපකාර සමිතිවලට තොග වෙලඳාම කිරීම ය. සතොස ලක්ස්ප්‍රේ, මොටර්ස්, පරිගණක, එංජිනේරු, ප්‍රින්ටර්ස් (පසුව මෙම අංශ පෞද්ගලිකරණය/සමාගම් කරන ලදී) ආනයනය - අපනයනය, ආහාර මෙන් ම විදුලි උපකරණ, ලිපි ද්‍රව්‍ය, ක්‍රීඩා භාණ්ඩ, රෙදිපිළි යනාදී වශයෙන් අලෙවි සහ සේවා කාර්යයේ සතොස නිරත විය. සතොස විසින් වැඩිපුර ආයෝජනයක් කර ඔබ්රෝයි හෝටලයක් ද ලංකාවේ ආරම්භ කරන ලදී. අග්නිදිග ආසියාමේ විශාලතම අලෙවි ප්‍රවාහන ජාලයට හිමිකම් කීවේ මේ සතොසයි. බණ්ඩාරනායක මහතාගේ දියණිය විසින් අත්සන් කළ කැබිනට් පත්‍රිකාවකින් කණගාටුදායක ලෙස මෙකී සතොස ඈවර කරනු ලැබිණ.

සතොස කලා සංගමයෙන් සමරකෝන් නාට්‍යකරුවා බිහිවිය. සංගීතය යොදා නොගැනීම, සාමාන්‍ය සමාජයේ දක්නට ලැබෙන කාරණා ඔහුගේ නාට්‍යවල සුවිශේෂී විය. වැදගත්ම කාරණය වනුයේ වෘතියෙන් පරිවර්තකයෙකු වුව ද, ඔහුගේ නාට්‍ය ස්වතන්ත්‍ර නිර්මාණ වීමයි. අපේ පියා විසින් රතු හැට්ටකාරී නාට්‍යය පරිවර්තනය කිරීම ආරම්භ කළ ද එය අතරමග නතර විය. සාමාන්‍යයෙන් සතුටු සාමීචියේ යෙදන විට මතුවන යම් සිත් ඇද ගන්නා දෙයක් වී නම්, ඔහු එවෙලේම එය සටහන් කර ගනු ලබන බව පියා කියා ඇත. ගෙයි පඩික්කම තියෙද්දී ජනේලයෙන් කෙළ ගසනවා කීම අපේ තාත්තා කී දෙයකි. තාම වහලේ සිදුරෙන් නිදන කාමරය තෙමෙනවාදැයි යන බස එසේ මතු වූවකි. ඔහුගේ නාගරික නිවසට ගමේ උදවිය පැමිණ ගිය පසු, ඒ අය ගමේ ගොස් මෙසේ පවසා ඇත. ගෙදර නම් ඔක්කොම හොඳයි - ඒත්- චීයා-කක්කුස්සිය නම් ගෙයි ඇතුලේ නොවැ තිබුණේ. (එකළ වැසිකිළිය නිවසට මදක් දුරින් ඉඳිවිය) එය ද නාට්‍යයකට යෙදීය.

ඔහු අපේ පියාගේ මනාල මිතුරා විය. විවාහයට කලින් දින පියාගේ උඩුපිළ මහගෙදර සිටි බව බාප්පා (අමරසිරි වික්‍රමසිංහ) සිහිපත් කරයි. කුඩා මාව තාත්තා විසින් සතොසට එක්කරගෙන ගිය විට ලීයෙන් තැනූ ඔහුගේ සුවිශාල මේසය මත මාව හිඳුවා නොයෙක් දේ විමසමින් කතාවට අල්ලා ගනියි.

අනුලා මෙන්ඩිස් (පසුව අනුලා බුලත්සිංහල) සතොසේ සේවය කළ, එහි කලා සංගමයෙන් බිහි වූ වේදිකා නාට්‍ය නිළියක් වූ වා ය. ඇය ද සතොස මුලස්ථානයේ දේශීය මිලදී ගැනුම් (Local Purchase) අංශයේ සේවය කළාය. අපේ මව ද සතොසේ සේවය කළෙන්, අපේ දෙමව්පියන් ගෙදරදී ඔවුන් ගැන කතා කළේ සමරේ, අනුලා යන නමිනි. සමරේගේ මොරටුවේ ඉඩම බැලීමට යාමක් ගැන කථා කරන ඇසුණ කුඩා මට සිතුනේ සමරකෝන් අංකල් ඉඩමක් මිල දී ගැනීමට යන බවකුයි. (ඉඩම නාට්‍ය යේ මංගල දර්ශනය විය හැකිය)

හැත්තෑව දශකයේ මුල් කාලයේ දී නිතර හමු වූ සමරකෝන් අංකල් ව මට නැවත දැක ගැනීමට හැකි වූයේ 1980 දශකයේ අග භාගයේ දී ය. ඒ සමස්ත ලංකා බෞද්ධ ශිෂ්‍ය සමිති සම්මේලනය සංවිධානය කළ පාසල් නාට්‍ය තරඟ විනිශ්චය කිරීමට පැමිණ සිටියෙදී මහරෝහල ඉදිරි පිට ඇති ප්‍රෙස්බිටීටිරියන් බාලිකා විද්‍යාලයීය ශාලාවේ දී ය. ඔහු සමඟ කුමාරී පෙරේරා නිළිය ද (දැන් අසන්නට ලැබෙන්නේවත් නැත-රූපවාහිණියේ මුල්ම කාලයේ ටෙලි නිළියකි) සිටියාහ. ඒ වන විට තරුණ කාලයේ තිබූ පියකරු පෙනුම ඔහුගෙන් පලාගොස් තිබිණ. අපේ පියා ද ඒ වන විට වසර 30ක සේවා කාලයක් වෙනුවෙන් ඇගයීමට පාත්‍ර වී විශ්‍රාම ගොස් තිබිණ. එහෙත් තාත්තා සමග එකට වැඩ කළ මිතුරාට එම අවස්ථාව අහිමිව තිබුණි. 1977 ආණ්ඩු පෙරළියෙන් පසු සමරකෝන් අංකල්ව හෙවත් එකල හැඳින් වූ පරිදි ආර්ආර් ව යාපනයේ සතොසට මාරුකරනු ලැබීය. (පරිවර්තන කාර්යය තිබුණේ මූලස්ථානයේ පමණි) ඔහු එහි වැඩ භාර නොගෙන සතොසට එරෙහිව නඩුවක් පැවරීය. දීර්ඝ කාලයකට පසු ඔහු නඩුවෙන් ජයලබා වන්දි මුදලක් ද ලබා ගත්තේය. සතොස විසින් කළ නැවත කැඳවීම ඔහු ප්‍රතික්ෂේප කළ බව මා හට අවසන් හමුවේ දී (1988) කීවේය. එහෙත් දීර්ඝ කාලයකට පසුව සිදුවූ ආණ්ඩුකරන පක්ෂයේ පරාජයෙන් පසු (1994) සහකාර කළමනාකරුවෙකු ලෙස උසස් වීමක් ලබා සතොසට නැවත පැමිණ සිල්ලරට අලෙවි අංශයේ (Assistnat Manager-Retail Marketing) වසර කීපයක් සේවය කළේය.

න.දී.වික්‍රමසිංහ

2020.11.14

[16:23, 15/11/2020] Nadeekantha Deepaka: My Moms Relatives including Her Sister (SuduLokuAmma, Punya) Recently State that, The my moms bride's made was my moms uncle's daughter, Shanthi (Aunty to us)later got married her Nanda's Son Satharasinghe (Police Inspector) now lives in United States. Her Husband Passed away long time ago.

[17:13, 15/11/2020] අමරසිරි වික්‍රමසිංහගේ මතක් කිරීමක්. සමරකෝන් ලියපු "එක් සභ්‍යකතාවක්' නවකතා පොතේ අයියාගේ සහ ගුනසීලි අක්කාගේ ඇත්තම නම් සඳහන්ව සත්‍ය අත්දැකිම් ඇසුරෙන් චාරිකාවක් ගිය සඳහනක් විය.

අපේ දෙමව්පිය විවාහ පිංතූරයක පසුබිම.

මේ අපේ (මහර, වික්‍රමසිංහ පවුලේ) දෙමව්පියන්ගේ විවාහ දින ඡායාරූපයි. අම්මාගේ දෙවන මහ ගෙය, එනම් මාතර සිට පැමණි පසු සිටි පානදුරේ නිවසේ ( සිසිකැළුම් නිවස?)  දී ගත් ඡායාරූප වේ. බිත්තියේ ඇති ඡායාරූපයේ සිටින අම්මාගේ අක්කා, පුණ්‍යාගේ (සුදු ලොකු අම්මා) පාසල් ඡායාරූපයක් පසුබිමින් වෙයි. පුහුණු ඉංග්‍රිසි ගුරුවරියක් වු ඇය ගල්කිස්ස උසස් බාලිකාවේ සිට විශ්‍රාම ලැබුවාය. 2020 වසරේ මුල ඕස්ට්‍රේලියාවේ දී සැමරූ 60වන විවාහ සංවත්සර අවස්ථාවේ දී ගත් ඡායාරූපයක් දකුණින් ඉහළට වෙන්න ඇත. 2019 ලංකාවට පැමිණි විට ඇගේ උසස් බාලිකා ආදී ශිෂ්‍යාවෝ උපන් දින සාදයක් සහ ගීත පැදුරක් ඇය වෙනුවෙන් සංවිධානය කළෝය.

මහගෙදර තිබූ බිත්ති ඔරලෝසුව සහ කළු සායම් ගෑ කණප්පුව (ඊට මාතර ඈයෝ මොන නමින් අමතනවාදැයි නොදනිමි)  ද පසුබිමින් දක්නට ඇත. මේ දෙකම අපේ මහර ගෙදර තිබුණේය. ඔරලෝසුව වරක් කැඩී දෙවනි අයියා (අම්මාගේ ලොකු අක්කාගේ දෙවනි පුතා රෝහණ-විශ්‍රාමික ඇඟිළි සලකුණු අංශයේ ප්‍රධානී. අපරාධ විමර්ශන අංශය) විසින් සාදා දෙන ලදී. එම “ශෛල්‍ය කර්මය” සිදුවන ආකාරය දෙස අපි බලා සිටියෙමු.

කණප්පුව පසුව, මා සිටි කාමරයේ බුදුන්ගේ මල් පහන් තැබීම සඳහා භාවිතා කරන ලදී. ඊට ඉහළින් බිත්තියේ අම්මාගේ පවුලේ උරුමයක් වූ ධාතු කරඬුව සහිත පෙට්ටිය (බුදුගෙය) සවිකරනු ලැබ තිබිණ.

න.දී.  (මහර, දෙවනියා)

2020.11.16

Relative Names in English

R.R. Samarakoon, Punya Jayalath, Premasiri Wickramasinghe, Gunaseeli Wickramasinghe

ආර්.ආර්. සමරකෝන්, පුණ්‍යා ජයලත්, ප්‍රේමසිරි වික්‍රමසිංහ, ගුණසීලි වික්‍රමසිංහ

උඩුපිල ආච්චී සිට...

උඩුපිල ආච්ච් 1980 දශකයේ  අග මහර අපේ ගෙදර කලක් සිටියා ය. සැම දරුවෙකුගේ ම නිවෙස්වල ආච්චීව කාලයක් තබා ගැනීමේ පවුලේ තීරණය ට අනුව එසේ සිදුවිය. ආච්චීට අප සමඟ විනෝදයෙන් ගත කළ බව මගේ විශ්වාසයයි. ආච්චී වඩාත් ප්‍රිය කළේ කාඩ් සෙල්ලම් කිරීමටය. ඉතාමත් සතුටින් ආච්චි ක්‍රීඩාවෙහි නිරත විය. ඇය ඉන් නොමඳ ප්‍රීතියක් ලැබුවාය. කාඩ් අත අල්ලගෙන සිටින විට ආච්චිගේ එක් අතක වූ අතෙහි ඇඟිලිවල ඇති වෙනස පෙනෙයි.

අපේ ගෙදර තිබුනේ ඉඳි වැසිකිළියකි. එහි කොමඩ් එකක් නැත. ආච්චී වෙනුවෙන් හංසක අපූරු නිර්මාණයක් කළේය. ඇඳි පුටුවේ වේවැල් දාමයේ මැදින් කපා ඉවත්කොට ලී වලින් සැකසූවකි එය. එය ඉඳි පෝච්චියට ඉහළින් තබනු ලැබේ. ආච්චීට අවශ්‍ය වෙලාවට එය වැසිකළියට රැගෙන යාමට සහ ඉවත් කිරීමට කාට හරි සිදුවේ. හංසකගේ මෙම සැලකිල්ල වූයේ ආච්චීට පමණක් ම නොවේ. සෝමසිරි බාප්පා තුවාල වී මහර ගෙදර සිටි කාලයේ දෛනික තෙල් සාත්තුව පරිපූර්ණ ලෙස සිදුකළේ හංසකය. එක් සාත්තුවකට සෑහෙන කාලයක් ගතවේ. එසේම ඉවසිල්ලෙන් සහ නියම අකාරයෙන් එය සිදුකළ යුතු ය. මෙම සත්කාරය පිළිබඳව බාප්පා පසු අවස්ථාවල දී නිතර කෘතඥතා පූර්වකව සිහිපත් කළේය-ඒ බොහෝ විට සිදු වූයේ දොඩන පානය ගත් විට දී ය.

හංසකගේ මේ උවටැන් කිරීමේ හැකියාව වඩාත් ම හිමිවූයේ අපේ අම්මාටය. නිතර අසනීපවන එකළ අපේ අම්මාගේ කටයුතු තාත්තාගෙන් පසුව වැඩිමනක් ම කළේ හංසකය. බෙහෙත් පෙවීම ද, තාත්තා වැඩ අවසන්ව ගෙදරට එන තෙක් අම්මාව බලා ගැනීම සුළුපටු කාර්යයක් නොවේ. හංසක එදා කළ සමහර දේ මා දැනට කරන ගුරු වෘත්තියේ දී ද ළමුන් වෙනුවෙන් අනුගමනය කරනු ලැබේ. ඔය ළමයි ඒක්ක වැඩ කරන්න පුළුවනි දැ යි බොහෝ අය මගෙන් විමසති. එහෙත් ඒ හැකියාව අපේ ගෙදරින්ම ලැබී තිබිණ. අධ්‍යාපන අමාත්‍යංශයෙන් හොඳම ගුරුවරු ඇගයීයමට ලක් කිරීමට ඉල්ලුම් කිරීම වරක් අනිවර්ය කිරීම නිසා මා ද ඉල්ලුම් කිරීමෙන් ඒ වසරේ උසස් පෙළ විද්‍යා විශයන් රහිත පාසල් කාණ්ඩයෙන් (සී ගණයේ පාසල්) හොඳම ගුරුවරයා ලෙස උපහාර ලැබිම තෙක් එය ඉවහල් විය. මා කරන ගුරු ක්ෂේත්‍ර යේ ගුරුවරුන්ගෙන් දැනට ඒ තත්වය ලබා ගත් එකම ගුරුවරයා ද මම වෙමි.  (එක් වරක් ගත්තාම මදැයි-අනෙක් අයටත් අවස්ථාව එපැයි.)

උඩුපිල ආච්චී අපේ ගෙදරින් ගොස් ටික කාලයකට පසුව සෞදියේ වැඩ කළ සොයුරා (නිශාන්ත) ආච්චීට රෝද පුටුවක් එව්වේය. එහි රෙක්සිනයේ පොඩි කොටසක පළුද්දක් තිබෙන බව ද, නැවත මුළුමනින්ම රෙක්සින් කරන ලෙස ද සොයුරා උපදෙස් එවා තිබුණි. එහෙත් එම සුළු පළුද්ද වෙනුවෙන් සම්පූර්ණයෙන් ම රෙක්සින් කිරීමෙන් මුල් නිමාව ගැනීමට නොහැකි වන නිසා අනෙක් අයගේ ද නිරීක්ෂණ මත එය නොකරම ආච්චීට රෝද පුටුව භාර දුනිමි.  

න.දී.

අපූරු රුසියානු මත්රෝස්කා බෝනික්කන්

චිත්‍රා බොතේජු සොයුරිය (බොදු සිසු සමුළුවේ හිටපු ක්‍රියාකරිණියක් බැවින් අප එකිනෙකා අමතන්නේ අක්කා මල්ලී ලෙසය) ලංකාවේ ප්‍රථම කාත්තා විදුලි එංජිනේරුවරියයි. ගෝතමී සහ දේවි බාලිකාවියක් වන ඇය මලයාසියාවේ සිටියෙ දී නව නිපැයුමක් ද හදුන්වා දී ඇත. ව්‍යාපාර සමූහයක හිමිකාරිත්ව හිමි ඇය වර්තමානයේ තමන් කටයුතු කළ සමස්ත ලංකා බෞද්ධ ශිස්‍ය සමිති සම්මේලනයට සහ වෙනත් බෞද්ධ කටයුතුවලට තම ක්‍රියාකාරෟ දායකත්වය දක්වමින් සිටින්නීය. දේවි බාලිකාව විසින් සම්මානනීය ආදර්ශමත් කාත්තාවක් ලෙස වත්මන් සිසුවියන් ඉදිරියේ ඇගයීමට ද ඇය බදුන් කර ඇත. කාන්තා දිනයේ දී දිරිය කතක් ලෙස ස්වාධීන රූපවහිණියෙන් ද වැඩ සටහන් කර ඇත. ඇය ගැන ඉතා කෙටි විස්තරයකින් ලිපිය ආරම්භ කළේ, දැන් හැත්තෑපස් වියත් ඉක්මවා සිටින ඇයගේ කල්පනා ශක්තියත්, කෘතඥතා ගුණයත් දැක්වීමටය. කුමක්දෝ හේතුවකට මගේ එංජිනේරු මමා කෙනෙකු ගැන (නෙවිල් රාජපක්ෂ-රුසියාවේ එංජිනේරු විෂය හැදැරීය.) මතුව ආ කථාවක දී එංජිනේරු සංස්ථාවේ ඇය සමග ඔහු කටයුතු කළ බවත්, ඇතුළට ඇතුළට බහාලිය හැකි බෝනික්කන් කට්ලයක් තම දියණියට තෑගි කළ බවත් මතක් කර සිටියා ය. මාමා විසින් පියාණන්ගේ උඩුපිල මහ ගෙදර කැබිනට්ටුවේ තබා තිබූ සහ මාමාගේ ගෙදර වූ එවැනි බෝනික්කන් කට්ටල ගෙන කුඩා අප සෙල්ලම් කළ ආකාරය මට මතක් වූයේ එවිටය. ඇයගේ මතක් කිරීම තෙක් ඒ අපූරු නිර්මාණය මගේ මතකයෙන් ගිලිහී තිබුනේ ඇයි දැයි මට ම ගැටළුවක් විය.

Matryoshka (~මත්රෝස්කා) ලෙස හඳුන්වනු ලබන මෙහි අපූර්වත්වය වන්නේ එකම රූපයක් සහ හැඩයක් සහිතව එහෙත් එකක් තුළ ට තවත් එකක් තැන්පත් කළ හැකි ආකරය ට කුහර කළ ලී බෝනික්කන් වීමයි. කුඩාම බෝනික්කා හැර අනෙක් බෝනික්කන් කුහර කළ යට කොටස සහ කුහර කළ පියන (වැනි) කොටස ලෙස කොටස් දෙකකින් නිමැවේ. පාරම්පරිකව, කාත්තා රූපවලින් මෙම කට්ටලයක් විසිතුරු වේ. එයින් නිරූපනය වන්නේ තමන්ගේ කුස දරා සිටින පරම්පරාවයි. මෙම බෝනික්කන් Babushka Dolls, Stacking Dolls, Nesting Dolls, Russian Tea Dolls සහ Russian Dolls ලෙසද හඳුන්වනු ලැබේ. පාරම්පරික කට්ටලයකට බෝනික්කන් 5 සිට 30 දක්වා ද, සමහර විට ඊටත් වඩා ගණනකින් ද සමන්විත වන සේ සැකසෙන බව සැලකේ. එහෙත් සියල්ලම බහාලූ විට භාහිරින් දක්නට ලැබෙන්නේ ලොකුම බෝනික්කා පමණි.

තවත් තැනක සඳහන් වන්නේ මතුපිටම බෝනික්කා හෙවත් ලොකුම බෝනික්කා කාන්තා රූපයක් ලෙස ද, ඊට කුඩාවන හෙවත් ඊට බහාලන බෝනික්කන් ලිංග බේදයකින් තොරව ද, කුඩාම බෝනික්කා තනි ලීයෙන් සකසන ලද දරුවෙකු ලෙස ද නිමැවෙන බවයි. කාන්තාවගේ ඇඳුම වනුයේ පාරම්පරික දිගු ගැමි ජම්පරය වන Sarafan ය.

මෙම බෝනික්කන් 1890 දී රුසියාවේ දී නිශ්පානය වීම ආරම්භ වූ බව සැලකේ. ජපාන ආභාෂය ලැබුණේ යයි ඇතැමෙක් කියන නමුත්, ඊට බොහෝ කාලයකට පෙර සිට මේ ලක්ෂණ සහිත පාස්කු බිත්තර රුසියාවේ පාරම්පරික අංගයක් වූ බව සැලකේ.

මේවා Alder, Aspen. Balsa, Birch, Linden යන ලීයෙන් සාදනු ලබේ. ඇල්ඩර් යනු අප කියවන බොහෝ රුසියා කතාවල කියැවෙන ශාකයක් බැවින් ඒ නම පොත් කියවන අයට නම් නුපුරුදු විය නොහැකිය.

Matryoshka හෙවත් කුඩා මේට්‍රන් යන්න රුසියා කාන්තා නම්වල භාවිත මුල් කොටසක් වන Matryona (Матрёна) Matryosha හි කෙටි යෙදුමක් ලෙස ද සඳහන් වේ.

මෙම බෝනික්කන් කට්ටලය සමඟ සෙල්ලම් කිරීමෙන් කුඩා අප ට අවකාශය පිරිමසා ගැනීම ගැන අවබෝධයක් ඇති වූ යේ සිතමි. එමෙන් ම නව සංකල්ප ගොඩ නැංවීමට පෙළඹවීමක් ද මින් සිදුවන බව සිතාගත හැකි ය. මෙය ද එක-දෙක ශ්‍රේණිය හෝ පෙර පාසල් සඳහා අධ්‍යාපනික මෙවලමක් ලෙස හඳුන්වා දෙන්නේ නම් අගනේ යයි සිතමි.

න.දී.

2020.11.20

විජය බාප්පාගේ යෝගී සහ අපි.

විජය බාප්පා යාපනය විශ්ව විද්‍යාලයට යන කාලයේ දී නිවාඩු ව ට උඩුපිල මහ ගෙදර ට පැමිණි විට ඉදිරිපස කාමරයේ සිට යෝගී ව්‍යායාමවල යෙදෙනු අපි දැක ඇත්තෙමු. (එම කාමරය බොහෝවිට හිස් ව පැවතුණි)  ඊට ආසන ගණනාවක් ම අයත් විය. අප ද සරමින් කැහැපොට ගසාගෙන ඒවා අනුකරණය කරමින් කරන්නට උත්සාහ කළෙමු. ශීරෂායසනය හෙවත් ඔළුවෙන් හිට ගැනීම, මයුරාසනය වැනි අපහසු ආසන ඔහු විසින් කරද්දී ද අපේ උත්සාහයන් වැරදී බාප්පා ඉදිරියේ දී ම බිම ඇද වැටීම සාමාන්‍ය දසුනක් විය. ඊට මනා පුහුණුවක් විය යුතු ය. බාප්පා ඉතා මනා ව සහ  ඉතා නිවරදි ව එම අභ්‍යාසවල යෙදුණි.

අපි ගෙදරට ආ පසු වරින් වර ඇඳමත සිට කොට්ටයට හිස තබා බිත්තියට වාරූ වෙමින් ඔළුවෙන් හිට ගැනීම ට වෑයම් කෙළෙමු. මා හට යම් තරමක් ඔළුවෙන් හිට ගැනීම ට හැකි වූ අතර, හංසක ට මයුරාසනය කිරීම ට හැකි විය. මයුරාසනයට මනා සමබරතාවයක් සහ සංයමයක් අවශ්‍යය ය-වැරදී ගියයොත් වැටී, මුහුණ හෝ නාසය වැදීමට ලක් විය හැකිය. දෙ අල්ල (ඇඟිලි පාද පැත්තට) බිම තබා දෑතේ ඉහළ භාහු වැලමිට තෙක් පපුවට තදවෙන පරිදි සහ ඒ මත සිටින පරිදි කඳ පොලොවට සමාන්තර ව (නමුත් හිස් මදක් පහළට සහ පාද තරමක් හිස මට්ටමින් ඉහළට සිටින පරිදි) මොණරෙකු සේ සිටීමක් මයුරාසනයෙන් සිදුවේ. එය අපගෙන් කළ හැකි වූ යේ පවුලෙන් හංසකට පමණි.   

පසුව මට හමු වූ පොතකින් යෝගී ගැන කියවීමට හැකි වූ අතර, ශරීරයේ සියළුම ආවරණය වන විනාඩි තිහක කාලයක් දිනපතා ම නිරත විය හැකි යෝගී ආසන කාලසටහනක් එහි දක්වා තිබුණි. විනාඩ් 3,4 සහ 5 වශයෙන් අනු පිළිවෙලක් සහිතව ආසනවල යෙදිය යුතු ය. පද්මාසනය, මීලඟට සීතාලිවලින්(ස්වසන අභ්‍යාසයකි) පටන් ගෙන මුණින් වැතිර දෑත සහ පාද දෙපසට විහිදුවා ස්වසන ගැනීමෙන් හෙවත් ශරීරය නැවත සාමාන්‍ය තත්වයට පත් කිරිම තෙක් ආසන එහි යෝජනා විය. මට පද්මාසනයේ පාද ඒ අයුරින්ම අමුණා ගැනීමට නොහැකිය-එහි ඊට පාද තබා ගත හැකි විකල්ප ආකාර දක්වා තිබුණි. එහි මයුරාසනය වෙනුවට එහි ගුණ ඇති වෙනත් ආසන ද දක්වා තිබුණි. මේ අනුව මම හැකියාව ලැබෙන පරිදි එම ආසනවල යෙදුනෙමි. අමතරව වකුගඩු /මුත්‍රා පද්දතිය වෙනුවෙන් උදෑසන හිස් බඩ සහ “බෙඩ් චූ” එකෙන් පසුව කළ හැකි ඉතා පහසු අභ්‍යාසයක් ද එහි සඳහන් විය.

නිවසේ පැදුරක සිට කරනවාට වඩා මිදුලේ නැවුම් වාතාශ්‍රය සමඟ ආසනවල යෙදීම සුදුසු වූයෙන් මගේ ශරීරයේ ප්‍රමාණයට තණකොළ බිස්සක් ද පිඩළි දමා වත්තේ සකසා ගතිමි. ඔළුවෙන් සිට ගැනීම මෙන් ම, එම ආසනය සමඟ කළ යුතු පාද දෙපසට පැද්දීමට ද මට හැකි විය. ශීර්ෂායසනය හැකි වූ යේ අපේ අයගෙන් මාහට පමණි. මේවා කිරීමට උනන්දුවක් සහ පෙළඹවීමක් ඇති වූයේ විජය බාප්පාගේ ක්‍රියා නීරීක්ෂණය හේතුවෙනි. එබැවින් මා ද තවමත් හැකියා ව ලැබෙන පරිදි පාසලේ දී සිසුන ට ශීර්ෂායසනය කර දක්වමි. පිරිමි සිසුන් එවලේ දී ම කරන්නට ගොස් එදා අප එදා බිම ඇද වැටණාක් මෙන් ඇද වැවෙන අතර, ඒ සඳහා පුහුණු කළ යුතු අනු පිළිවෙල ගැන මම ඔවුනට පහදා දෙන්නෙමි. මෙය යම් තරමකින් අධ්‍යාපනයේ ආරෝපන න්‍යායයට සම්බන්ධය.

න.දී. 

2020.11.08