පවුලේ හිතවතෙක් වූ ඇඹරළුවේ පඤ්ඤාසීහ හිමි

පවුලේ හිතවතෙක් වූ ඇඹරළුවේ පඤ්ඤාසීහ හිමි

 

කිත්සිරි ගෙන් උඩුපිල ගලට ඇමතුමක් ...

 

කිත්සිරි ගෙන් උඩුපිල ගලට ඇමතුමක් ....

(2021.04.24)

රබර් යායක් මැද, උස්වී නැගී සිටිමින්

නිසලව නිදා සිටි, ඔබෙන් අප ලද මෙහෙය අමපණය

 

කිසිවෙක් උඩුපිලට , ආවොත්  සෑම විටකම

ඔබෙ සිරි නැරඹූ හැටි, ඔබගෙත් මතකයේ ඇති

 

ශතවරුෂ ගණනක, තොරතුරු ඔබ දැකල ඇති

කථා කළ හැකි නම්, ඒවා ඔබ කියනු ඇති

 

ඔබ තුරුලෙ ඇති පොඩි, පොකුණේ එදා සිටියේ

ගෙම්බන් පමණකි, ඔබටත් මතක ඇතිනේ

 

අද ඔබ වසාගෙන , මහ කැලය පැතිරී ඇත

පින්තූර දුටු විට, මගෙ සිත සසලවී ඇත

 

විෂ ඝෝර සපුනුන්, ඔබ පිරිවරා ඇතිබව

දැනගත් විට මගේ, සිත තව තවත් බියවිය

 

ගල්බෝර ඇදලා, ගල්වෙඩි දැම්ම කාලේ

දෙසවන් වසා ගෙන, හැංගුන අපව දැක්කද

 

ඒවා සිදුවුණේ, තාත්තා සිටි කාලේ

උමගිලිය ලොරියෙන්, ගල් ගෙන ගියා මතකද

 

තැන තැන විසිරී ඇති,ගල් ගෙඩිදකින විටදී

පැරණි අප මහ ගෙට, ඔබගේ දායකත්වය

ලැබීඇති බව නම්, මට නම් සිතෙනවාමයි

 

වරක් ඔබ රුදු විය, ඔබ මතු මත්තේ සිට

පහළට බසින විටදී, හාමිනේ නංගීට

හිරිහැර කළේ, ඇයි ඔබ

 

ඇටය පෑදෙන ලෙස, සිදුවූ තුවාලය දුටු

බියව කෑ ගසමින්, මා ඇය රැගෙන ගිය හැටි

දුටු විට මොකද හිතුනේ

 

නැවතත් ඔබ මත, නැගලා අවට බැලුමට

වෙනදාටත් වඩා, ආසාවක්ද ඇතිවේ

 

දෙයක් නැති වූ විට , එහි අගය වැඩිවේමය

ඒ පඬි වදන මට, මෙතනදි පසක්වේමය

 

තහනම් ඉසව්වක්, එනිසා ඉටු නොවේමය

ඈත සිට බලනට, රුව ඔබේ මතු වේවා...... !

උක්කුං නැන්දාගේ (කිත්සිරිවතී) උඩුපිල මතක කවියෙන්

පවුල් සමූහය

 උඩුපිල වික්‍රමසිංහ පවුල් සමූහය

එදා උඩුපිල සමූහය මහ ගෙදරට රැස් වූ විට වැඩිහිටි පිරිමි කාඩ් සෙල්ලම් කරමින් දේශපාලනය ද ඇතුළු විවිධ මාතෘකා කතා කරමින් ගත කළෝය. වැඩිහිටි කාන්තා පාර්ශවය පංචකෙලිය හෝ වෙනත් ක්‍රීඩාවක නියැලී ඉහුම් පිහුම් කටයුතු කළෝය. සමූහයක් ලෙස මේ කටයුතුවල යෙදෙද්දී විවිධ මාතෘතා කතාබහට ලක් විය. වැඩිහිටියන්ගේ කතා බහේ දී විරුද්ධ මත ඉවසූහ. තර්කයෙන් කරණු කාරුණිකව බිඳ හෙලීය. වික්‍රමසිංහ පවුලේ උදවියගේ කතා ශභ්දය ඉහළ වුවත් හොඳ සාකච්ඡා (Conversations) ඇතිවිය. ඒ අතරින් වරින්වර දෙපාර්ශවයෙන් ම කොක්හඬලා සිනාසෙන හඬ ද ඇසුණි. ඔවන්ගේ එම කතාබහ අසා කුඩා අපි දැනුම පුළුල් කර ගත්තෙමු. පොඩි උන් වූ අපි මේ අවස්ථාවලට එකතු වෙමින් හෝ බලාගෙන සිටිමින් හෝ වෙනත් ක්‍රීඩා කරමින් හෝ සිටියෙමු. වත්තේ පිටියේ ඇවිද පළතුරු ගස්වලට වග කීහ. රබර් වත්තේ රබර් ඇට සහ ඔට්ටුපාලු එකතු කළහ. වියළි රබර් ගෙඩියෙන් කරත්ත රෝද සැකසුවෙමු. විශාල ගල් තලාවේ සෙල්ලම් කළෙමු. එහි වැවී තිබුණ අක්කපාන මල් පොඩිකරමින් එහි ශභ්දය රස වින්දේය. එහි තැනින් තැන එක් රැස් වී තිබුණු නෙසිඳෙන වතුර වලවල් වෙනම පරිසර පද්දතියක් විය. එවායේ කඩදාසි බෝට්ටු පා කළෙමු. අසල නෑ නිවාස වෙත ගියෙමු.

මේ සැවොම රාත්‍රියේ දී නිදි යහන්වල සිට විසිපැන වැනි බුද්ධිකලම්භන ක්‍රියාවේ නියැළුණි. වැදගත්ම නිරීක්ෂණය වූයේ මේ කණ්ඩායම් අතර අනවශ්‍ය මැදහත් වීම් නො වීමයි. උඩුපිල දී මෙන් ම වෙනත් නෑ ගෙවල්වල රැස් වන විටෙක දී පවා එම සාමූහික හැසිරිම් රටාව දැකගත හැකි විය.

න.දී.